Larawang Kupas

Larawang Kupas

Larawang kupas, Larawang kupas

Kita'y nahanap sa baul kong bukas

Muli kong nasilip ang kahapon

Maya’y isisilid na muli sa kahon

Larawang kupas, Larawang kupas

Bumalik ala-ala ng nakalipas

Tanda mo pa ba ating tawanan?

E ang mga panahon ng iyakan?

Larawang kupas, Larawang kupas

Nasilayan ko mga panahong matatag

Magkatabi sa malamig na lapag

Hindi iniisip ang darating na bukas

Larawang kupas, Larawang kupas

Ako ba’y inisip mo nang labis?

Nadarama ko lamang ay hapis

Manatili ka pa kayang kupas?

Larawang kupas, Larawang kupas

Nabago na nga ang bukas

Nadarama ko’y tanging poot

Isinukli mo ri’y malabis na poot

Hindi kita masisi, Larawang kupas

Pagkat nagbago na nga ang bukas

Ako’y namumuhay na sa pait

Nawa’y sa iba, hindi ito maulit

Larawang kupas, Larawang kupas

Init at liwanag sayo’s lalapit

Tuluyan kang magiging abo

Isama mo ala-alang maglalaho

Patawarin mo ako, Larawang kupas

Bukas nga’y nagbago na

Ako ay lalayo, Kita’y iiwan na

Maglalakbay, susulong mag-isa

Kung isipin mong ito’y karuwagan

Nagkakamali ka, Larawang kupas

Kailanman, hindi naging karuwagan

Ang hanapin ang daan sa kaginhawaan

Malumbay man, Larawang kupas

Darating ang panahon, ang tao

Maglalakbay, susulong mag-isa

Mamumuhay para sa kanyang sarili.